Filmen «Alt skal bort», som hadde premiere tidlegare i mars, er nå sett av nær 17.000 i Noreg.
Filmen er det ekteparet Arild Østin Ommundsen og Silje Salomonsen som står bak.
– Til dømes i går var det meir folk som såg vår film enn «Snehvit». Vår film er sett av nesten 17.000, «Snehvit» av 18.000, seier Ommundsen.
Han seier «Snehvit», ein barnefilm, blir sett av fleire i helgene, medan «Alt skal bort» er ein film for vekedagar.
– I motsetning til den filmen har vi eit ganske minimalt marknadsføringsbudsjett. Folk som har sett vår film, spreier ordet om at dei likte den. Det merkar vi når vi er rundt og snakkar om den, seier regissøren.
NRK sin kritikar gav filmen terningkast fire.
– «Alt skal bort» har nok av kvalitetar til å både fange interessa og halde på henne, skreiv Birger Vestmo.
