Januar i år er den kaldaste i Noreg sidan 2010, 4,4 grader under normalen.
Forklaringa på det kalde vêret, som strekte seg over store delar av Skandinavia, var at månaden vart prega av luftmassar frå aust, skriv Meteorologisk institutt.
Same vêrtype ser ut til å halde fram inn i februar.
Månaden var også uvanleg kald og tørr i Rogaland, og det blei sett ny rekord fleire stader.
Både på Eigerøya i Eigersund og Røvær i Haugesund, var gjennomsnittstemperaturen i januar den kaldaste sidan gjennomsnittsmålingane starta i 2011.
• Eigerøya (Eigersund): -0,2 °C (førre rekord var 0,2 °C i 2021).
• Røvær (Haugesund): 0,6 °C (førre rekord var 1,3 °C i 2021).
