Det gjer at FKH beheld tabelltoppen med ein runde igjen. Strømsgodset slo Moss 3-0 og er framleis berre to poeng bak. Haugesund har seks poeng ned til Kongsvinger på tredjeplassen.
Dersom Kongsvinger slår Stabæk måndag vil det bli eit ellevilt drama i siste runde neste helg. Ved KIL-tap har både Haugesund og Godset sikra opprykk.
Haugesund har Odd heime i siste kamp. Godset får ein tøff bortekamp mot Stabæk, mens Kongsvinger møter Bryne borte.
Åsane sjokkerte Haugesund ved å ta leiinga allereie etter eit minutt. Malte Fismen skaut i krysset frå 17 meter.
Åsane-spelar Einar Iversen fekk raudt kort med 20 minutt igjen, og deretter skåra Grindhaug to gonger. Det gav ein viktig FKH-siger samtidig som det betydde nedrykk for Åsane. På tampen la Ismaël Seone på til 3-1.
Almar Grindhaug blei helten for Haugesund.
Foto: Paul S. Amundsen / NTB
Herman Stengel, Elias Hoff Melkersen og Gustav Valsvik skåra måla i Godsets heimesiger søndag.
Ranheim slo Sogndal 2-1 og kjempar framleis om opprykkskvalifisering. Sogndal er dermed stadig trua i kampen om å unngå nedrykkskvalik. Det skil berre eitt poeng ned til Moss.
Odd er nummer fem og sikra opprykkskvalifisering. Skienslaget låg lenge under for nedrykkstrua Sandnes Ulf, men redda 3-3 med ei skåring på tampen. Sanel Bojadzic stod for to Odd-mål.
Bryne viste styrke borte mot Hødd og vann 3-0. Bryne er på sjetteplassen og ligg foreløpig an til å få opprykkskvalik, tre poeng bak Odd og to poeng føre Ranheim.
Egersund slo Strømmen 2-1, mens nedrykksdømte Raufoss tapte 0-4 for Lyn.
(NTB)
Publisert
Oppdatert
