Politiet leitte tidlegare i dag etter føraren av ein lastebil som trefte ein bil bakfrå ved Gausel stasjon i Stavanger. Dei fekk melding om hendinga klokka 08.45.
Ingen i personbilen fekk skadar i hendinga.
Politiet har funne lastebilen, men ikkje føraren.
– Ein patrulje fann lastebilen parkert, men føraren hadde forlate køyretøyet, melder operasjonsleiar i Sør-Vest politidistrikt, Anders Oppedal, i politiet sin meldingsteneste.
Fleire patruljar har søkt etter føraren, utan hell. Dei har også gjort avhøyr og undersøkt staden det har skjedd.
Politiet skriv også at fleire vitne har delt bilde frå hendinga, og at dei kjem til å opprette sak.
By
