{"id":12093,"date":"2026-07-20T08:21:35","date_gmt":"2026-07-20T08:21:35","guid":{"rendered":"https:\/\/radiostavanger.no\/?p=12093"},"modified":"2026-07-20T08:21:35","modified_gmt":"2026-07-20T08:21:35","slug":"michell-opplevde-overgrep-pa-joggetur-som-18-aring-rogaland","status":"publish","type":"post","link":"https:\/\/radiostavanger.no\/?p=12093","title":{"rendered":"Michell opplevde overgrep p\u00e5 joggetur som 18-\u00e5ring \u2013 Rogaland"},"content":{"rendered":"
\n<\/p>\n
\n
\u2013 Eg elska \u00e5 springe. Det gav meg s\u00e5 mykje glede, seier Michell Tvedt.<\/strong><\/p>\n
Michell var 18 \u00e5r gammal d\u00e5 det skjedde. Ho var p\u00e5 veg ut d\u00f8ra ein kveld i 2011 for \u00e5 dra p\u00e5 joggetur, slik ho pleidde \u00e5 gjere. Det var m\u00f8rkt ute i l\u00f8ypa der ho tok den vanlege turen. Musikken spelte p\u00e5 \u00f8yra og ho h\u00f8yrde f\u00f8rst ikkje at nokon kom bak henne.<\/p>\n
S\u00e5 skjedde overgrepet, som skulle \u00f8ydelegge \u00e5revis for Michell.<\/p>\n
Ho slutta br\u00e5tt \u00e5 trene etter den kvelden. Berre tanken p\u00e5 \u00e5 skulle springe att vart for mykje for 18-\u00e5ringen.<\/p>\n
\u2013 Eg var s\u00e5 redd, og berre tanken p\u00e5 \u00e5 gjenoppleve det var forferdeleg.<\/p>\n
Michell gjekk p\u00e5 vidareg\u00e5ande i Haugesund, der ho voks opp. Ho var snart ferdig utdanna helsefagarbeidar.<\/p>\n
Men b\u00e5de venninner og mora hennar merka at noko hadde endra seg. Michell var spent og redd.<\/p>\n
Treningsgleda var vekk, men ogs\u00e5 livsgleda.<\/p>\n
Ingen spor<\/h2>\n
Mora til Michell merka at noko var gale, og fekk etter ikkje s\u00e5 lang tid vite kva som hadde skjedd. Saman gjekk dei til politiet og meldte overgrepet.<\/p>\n
Det var to mistenkte i saka, men politiet fann ikkje gjerningsmannen. Michell lever difor framleis i frykt for denne mannen.<\/p>\n
\u2013 Eg veit jo ikkje kvar han er i verda, og det er veldig skummelt, seier Michell.<\/strong><\/p>\n
Med f\u00e5 spor fekk ikkje Michell vite heilt sikkert kven gjerningsmannen var. Men ho angrar ikkje p\u00e5 at ho gjekk til politiet.<\/p>\n
\u2013 Eg anbefaler alle som opplever noko slikt \u00e5 melde til politiet, sj\u00f8lv om det ikkje f\u00f8rte til noko for min del.<\/p>\n
Michell er langt ifr\u00e5 \u00e5leine om \u00e5 oppleve \u00e5 bli overfalt p\u00e5 tur.<\/p>\n
Berre tidlegare i \u00e5r vart ei kvinne overfalt under ein joggetur i Lillestr\u00f8m, av ein mann i 30-\u00e5ra. Mannen vart sikta for fors\u00f8k p\u00e5 valdtekt, men nekta straffskuld.<\/p>\n
Like etter vart ogs\u00e5 ei anna kvinne overfalt i eit turomr\u00e5de i Asker.<\/p>\n
Sj\u00f8lvbilete til Michell vart \u00f8ydelagt etter hendinga.<\/p>\n
Ho hadde i tillegg f\u00e5tt h\u00f8yre heile barndommen at ho var stor og vart mobba for st\u00f8rrelsen. Kommentarane sit framleis brent i hovudet hennar.<\/p>\n
\u2013 Eg har alltid blitt mobba for st\u00f8rrelsen min i barndommen, seier ho.<\/p>\n
Kommentarane gjorde at ho begynte \u00e5 springe for \u00e5 bli slankare.<\/p>\n
Michell kjente seg stygg, men springeturane gjorde at ho f\u00f8lte seg betre. Ho gjekk ned i vekt og byrja \u00e5 f\u00e5 kommentarar p\u00e5 at ho var fin.<\/p>\n
Men etter overgrepet stoppa det opp. For \u00e5 dra p\u00e5 trening vart heilt uaktuelt for Michell. Frykta for \u00e5 gjenoppleve overgrepet var for stor.<\/p>\n
\n <\/p>\n
<\/picture>\n
Fride Audunsdotter Westvik \/ NRK<\/p>\n<\/div>\n
<\/p>\n
<\/picture><\/div>\n
\n
Ho var redd n\u00e5r ho gjekk ut av huset.<\/p>\n<\/div>\n
<\/p>\n
<\/picture><\/div>\n
\n
Redd for \u00e5 g\u00e5 tur med hunden \u00e5leine.<\/p>\n<\/div>\n
<\/p>\n
<\/picture>\n
Fride Audunsdotter Westvik \/ NRK<\/p>\n<\/div>\n
\n
Redd for m\u00f8rket og m\u00e5tte alltid sj\u00e5 seg bak skuldra n\u00e5r ho var ute.<\/p>\n<\/div>\n
Michell hadde fullf\u00f8rt vidareg\u00e5ande og var blitt utdanna helsefagarbeidar. Like etter fagbrevet byrja ho \u00e5 jobbe p\u00e5 omsorgsbustad.<\/p>\n
Kveldsvaktene vart ei utfordring. Tanken p\u00e5 \u00e5 skulle g\u00e5 heim \u00e5leine i m\u00f8rket.<\/p>\n
\u2013 Mamma pleidde \u00e5 k\u00f8yre meg heim etter kveldsvakt, og eg m\u00e5tte snakke med henne p\u00e5 telefonen kvar gong eg skulle g\u00e5 tur med hunden.<\/p>\n
Det gjekk ikkje lang tid f\u00f8r Michell fekk ein til jobb. Ho byrja \u00e5 jobbe i butikk, samtidig fekk ho ein ekstra jobb i heimetenesta.<\/p>\n
\u00c5 ikkje klare \u00e5 trene gjorde noko med Michell. No m\u00e5tte ho jobbe nok, for \u00e5 halde seg i aktivitet.<\/p>\n
\u2013 Sidan eg ikkje klarte \u00e5 trene vanleg, kompenserte eg det med \u00e5 jobbe, veldig mykje. Eg overarbeidde meg for \u00e5 vere fysisk aktiv.<\/p>\n
Det vart lange dagar med mykje jobb i fleire \u00e5r. Michell kunne jobbe doble vakter for \u00e5 halde seg oppteken.<\/p>\n
Men d\u00e5 Michell var blitt 26 \u00e5r, sa det stopp.<\/p>\n
Ryggen svikta<\/h2>\n
Ho hadde arbeidd 300 timar p\u00e5 ein m\u00e5nad.<\/p>\n
10 arbeidstimar kvar einaste dag utan pause.<\/p>\n
I 2018 klarte ikkje kroppen hennar meir, og Michell vart sjukmeldt. Noko ho har vore sidan, med konstante smerter.<\/p>\n
Det starta med ein betennelse i ryggen, som skulle vise seg \u00e5 vere prolaps. Men det var ikkje ryggplagene som bekymra Michell aller mest.<\/p>\n
Korleis skulle ho no halde seg aktiv?<\/p>\n
Michell hadde ikkje snakka om kvifor ho ikkje ville trene.<\/p>\n
\u2013 Legen sa at eg m\u00e5tte trene for \u00e5 styrke ryggen. Men det er jo lett \u00e5 seie.<\/p>\n
Etter lang tid med konstante smerter fortalde ho kva som var gale til legen.<\/p>\n