{"id":19506,"date":"2026-08-28T10:38:31","date_gmt":"2026-08-28T10:38:31","guid":{"rendered":"https:\/\/radiostavanger.no\/?p=19506"},"modified":"2026-08-28T10:38:31","modified_gmt":"2026-08-28T10:38:31","slug":"slik-minnast-folk-i-rogaland-kong-harald-nrk-rogaland-lokale-nyheter-tv-og-radio","status":"publish","type":"post","link":"https:\/\/radiostavanger.no\/?p=19506","title":{"rendered":"Slik minnast folk i Rogaland kong Harald \u2013 NRK Rogaland \u2013 Lokale nyheter, TV og radio"},"content":{"rendered":"


\n<\/p>\n

\n

\u2013 Det er med stor sorg at b\u00e5de eg, alle gjesdalbuar og nordmenn tek imot bodskapen om at kongen er g\u00e5tt bort. Eg hugsar godt d\u00e5 me hadde kongen p\u00e5 bes\u00f8k, seier Frode Fjeldsb\u00f8.<\/strong><\/p>\n

Gjesdal-ordf\u00f8rar Frode Fjeldsb\u00f8 m\u00f8tte kongen d\u00e5 han bes\u00f8kte kommunen i 2017.<\/p>\n

\u2013 Det var eit fantastisk m\u00f8te for b\u00e5de meg og alle som fekk m\u00f8te han. Eg kjenner p\u00e5 mange kjensler ved hans bortgang.<\/p>\n

Heidra av Eidsv\u00e5g og Haaland<\/h2>\n

\u2013 Dette er ein vemodig dag, vi har mista ein slags far, eller bestefar, seier artist Bj\u00f8rn Eidsv\u00e5g.<\/strong><\/p>\n

Han skildrar kongen som ein flott og samlande figur for landet v\u00e5rt, og dreg s\u00e6rleg fram det varme hum\u00f8ret hans.<\/p>\n

Eidsv\u00e5g minnest eit spesielt audiensm\u00f8te der han sj\u00f8lv sleit med ryggen og kom med rullator, berre for \u00e5 oppdage at kongen tok imot han p\u00e5 krykkjer.<\/p>\n

<\/p>\n
\n
\"Bj\u00f8rn<\/div>
\n

Artist Bj\u00f8rn Eidsv\u00e5g skildrar kongen som ein samlande figur for landet.<\/p>\n

Foto: SCANPIX<\/small>
\n<\/figcaption><\/figure>\n

\n<\/div>\n

\u2013 Det var det f\u00f8rste vi lo av begge to, to gamle menn som knapt klarte \u00e5 reise seg, fortel Eidsv\u00e5g.<\/p>\n

Bj\u00f8rn Eidsv\u00e5g spelar i dag ein planlagd, lukka konsert i Stavanger konserthus.<\/p>\n

Han skal i tillegg opptre p\u00e5 Utopia-festivalen laurdag.<\/p>\n

\u2013 Det trur eg blir fint. Dersom det er noko som kan foreine oss, og vere med p\u00e5 \u00e5 tr\u00f8yste, s\u00e5 er det musikk.<\/p>\n

Erling Braut Haaland har ogs\u00e5 kome med ei helsing til kong Harald.<\/p>\n

\u2013 Kvil i fred, kong Harald. Takk for alt du har vore for Noreg. Det var ei \u00e6re \u00e5 m\u00f8te deg, skriv han i eit innlegg p\u00e5 Instagram.<\/strong><\/p>\n

<\/p>\n
\n
\"Brukt<\/div>
\n

Erling Braut Haaland saman med landslaget fekk m\u00f8te kongen p\u00e5 slottet etter VM i sommar.<\/p>\n<\/figcaption><\/figure>\n

\n<\/div>\n

Kondolanseprotokoll over heile Rogaland<\/span><\/h2>\n

Rogaland fylkeskommune uttrykker sorg og opplyser at det blir lagt ut kondolanseprotokollar i r\u00e5dhus og kommunehus i alle kommunar, i tillegg til i fylkeskommunen sin resepsjon.<\/p>\n

\n <\/p>\n
\n
\n
\"domkirka<\/source><\/picture>\"domkirka<\/source><\/picture><\/div>\n<\/div><\/figure>\n

<\/dh-bildekollasj-v1>\n <\/div>\n

Ogs\u00e5 domkyrkja i Stavanger har opna d\u00f8rene for dei som kjem dit, og har lagt fram ein kondolanseprotokoll.<\/p>\n

Fleire tek turen for \u00e5 legge ned blomar til minne om kongen.<\/p>\n

<\/p>\n
\n
\"Thor<\/div>
\n

Thor Wolden legger ned blomster til minne om kongen.<\/p>\n

Foto: Henrik Storm Henriksen \/ NRK<\/small>
\n<\/figcaption><\/figure>\n

\n<\/div>\n

Janken Stokkeland var ein av dei som hadde m\u00f8tt opp i Stavanger domkyrkje for \u00e5 skrive i kondolanseprotokollen fredag.<\/p>\n

\u2013 Vi har mista ein pappa, ein far, ein bestefar og ein bauta. Han var ein samlande konge, som alltid har stilt opp for landet og folket sitt. Ikkje berre n\u00e5r det har vore d\u00e5rlege dagar, men ogs\u00e5 n\u00e5r det har vore gode dagar.<\/p>\n

<\/p>\n
\n
\"Janken<\/div>
\n

Janken Stokkeland t\u00f8rkar t\u00e5rer utanfor domkykjra.<\/p>\n

Foto: Ole Andreas B\u00f8 \/ NRK<\/small>
\n<\/figcaption><\/figure>\n

\n<\/div>\n

Ho kjem spesielt godt til \u00e5 hugse dei fine, humoristiske kommentarane til kongen.<\/p>\n

\u2013 Spesielt d\u00e5 dei opna plattforma Troll. Han sp\u00f8kte med at ho var kalla opp etter dronninga, for ho var jo eit troll. Det er dei humoristiske kommentarane, dei fine talane han har halde og den varmen han har spreidd rundt seg.<\/p>\n

Skuleelevane Matheus \u00c5re Koll og Bo N\u00e6ss Klemetsdal tok turen til Stavanger domkyrkje saman med skulen for \u00e5 leggje ned blomar og vise si respekt.<\/p>\n

\u2013 Han var ein hyggeleg fyr og tenkte p\u00e5 alle andre, seier Matheus \u00c5re Koll.<\/p>\n

\u2013 Eg synest det var trist, men det var fint \u00e5 sj\u00e5 at det var s\u00e5 mange som brydde seg, seier Bo N\u00e6ss Klemsdal.<\/p>\n

<\/p>\n
\n
\"Matheus<\/div>
\n

Matheus \u00c5re Koll og Bo N\u00e6ss Klemsdal ved domkyrkja i Stavanger.<\/p>\n

Foto: Henrik Storm Henriksen \/ NRK<\/small>
\n<\/figcaption><\/figure>\n

\n<\/div>\n

Ingeborg Skarre Stensland er ein av mange som drog til domkyrkja for \u00e5 gje sine kondolansar.<\/p>\n

\u2013 Eg f\u00f8lte for \u00e5 vise takksemda mi for kongen v\u00e5r. Han har vore eit f\u00f8rebilete og ein trygg person gjennom heile livet.<\/strong><\/p>\n

<\/p>\n
\n
\"Ingeborg<\/div>
\n

Ingeborg Skarre Stensland er i Stavanger domkyrkje for \u00e5 vise takksemd.<\/p>\n

Foto: Henrik Storm Henriksen \/ NRK<\/small>
\n<\/figcaption><\/figure>\n

\n<\/div>\n

\u2013 Dette var ein veldig tung dag med djup sorg. Han har betydd s\u00e5 mykje for landet v\u00e5rt. Eg sit med b\u00e5de sorg og takknemlegheit for det han har betydd for oss, seier fungerande biskop i Stavanger bisped\u00f8me, Rune Stensn\u00e6ss Engedal, til NRK.<\/p>\n

Han skildrar ein konge som har vore viktig for landet i b\u00e5de gleder og sorger.<\/p>\n

\u2013 Han har vore veldig tydeleg til stades og sett ord p\u00e5 ting me har trengt som nasjon. Han har vore eit samlande punkt for oss n\u00e5r ting har vore vanskeleg. Det er eg b\u00e5de veldig imponert over og takknemleg for.<\/p>\n

Han fortel at kongen har betydd mykje for Den norske kyrkja.<\/p>\n

\u2013 Sj\u00f8lv om det ikkje er ein statskyrkje lenger, har kongen ynskje om \u00e5 vere tydeleg til stades. N\u00e5r det er vanskelege tider, n\u00e5r det er terror eller ulukker, og n\u00e5r det er store meirkehandlingar, s\u00e5 har han vore saman med oss, seier Engedal.<\/p>\n

<\/p>\n
\n
\"Sokneprest<\/div>
\n

Fungerande biskop i Stavanger bisped\u00f8me, Rune Stensn\u00e6ss Engedal.<\/p>\n

Foto: Ruth Einervoll Nilsen \/ NRK<\/small>
\n<\/figcaption><\/figure>\n

\n<\/div>\n

Ordf\u00f8rar i Stavanger Tormod W. Losnedal drog til domkyrkja for \u00e5 minnast kongen.<\/p>\n

\u2013 Eit kapittel i Norgeshistoria er kome til vegs ende. Gjennom sin livslange gjerning for landet viste kong Harald at han etterlevde sitt valspr\u00e5k \u00abAlt for Noreg\u00bb. I dag minnest me hans innsats for Noreg, samstundes som me s\u00f8rgjer over hans bortgang, seier ordf\u00f8rar Tormod W. Losnedal.<\/p>\n

<\/p>\n
\n
\"Ordf\u00f8rer<\/div>
\n

Ordf\u00f8rar i Stavanger, Tormod W. Losnedal i Domkyrkja.<\/p>\n

Foto: Ruth Einervoll Nilsen \/ NRK<\/small>
\n<\/figcaption><\/figure>\n

\n<\/div>\n

\u2013 Eg har hatt gleda av \u00e5 treffe han ved to h\u00f8ve. Ein gong heime hj\u00e5 han og ein gong heime hj\u00e5 meg. Han var eit veldig godt vertskap, og veldig god \u00e5 ha p\u00e5 bes\u00f8k. Eg kjem til \u00e5 hugse han som varm og lun. Han var veldig flink til \u00e5 sleppe andre til og inn. Eg vil hugse han som ein fantastisk konge som representerte dette landet p\u00e5 ein god m\u00e5te.<\/p>\n

Han minnest spesielt godt den fantastiske talen kongen heldt til heile folket d\u00e5 han snakka om kven nordmenn er og kva Noreg skal vere som land.<\/p>\n

Var i Stavanger i fjor<\/h2>\n

\u2013 Men det sterkaste minnet er den fantastiske markeringa me hadde med heile kongefamilien til stades i fjor d\u00e5 Restauration segla til Amerika. D\u00e5 delte eg litt tid med kongeparet i bilen. Det er nokre flotte menneske.<\/p>\n

<\/p>\n
\n
\"Kong<\/div>
\n

Kongefamilien p\u00e5 trappa til domkyrkja i Stavanger i fjor.<\/p>\n

Foto: NTB<\/small>
\n<\/figcaption><\/figure>\n

\n<\/div>\n

Sist kongen var i Stavanger var under 200-\u00e5rs markeringa for utvandringa til Amerika. D\u00e5 var heile kongefamilien samla i Stavanger.<\/p>\n

<\/p>\n
\n
\"Kongeparet<\/div>
\n

Kongeparet i Stavanger, juni 2025.<\/p>\n

Foto: \u00d8ystein Otterdal \/ NRK<\/small>
\n<\/figcaption><\/figure>\n

\n<\/div>\n

Betydd mykje for olja<\/h2>\n

ONS-leiar og tidlegare ordf\u00f8rar i Stavanger, Leif Johan Sevland, tok imot meldinga om bortgangen til kongen med sorg.<\/p>\n

\u2013 Det var eit flott menneske som no har g\u00e5tt bort. Det eg tenkjer mest p\u00e5, er d\u00e5 eg s\u00e5g han med familien sin. Korleis han s\u00e5g p\u00e5 dei, kor mykje han tenkte p\u00e5 dei og kor glad han var i dei. Dei har mista ein som har vore verkeleg viktig i liva deira.<\/p>\n

<\/p>\n
\n
\"Stavanger<\/div>
\n

Kong Harald bes\u00f8kte oljemessa ONS i Stavanger i 2012. Her saman med Leif Johan Sevland<\/p>\n

Foto: Kent Skibstad \/ NTB,NTB<\/small>
\n<\/figcaption><\/figure>\n

\n<\/div>\n

Sevland dreg \u00f2g fram tydinga Kong Harald har hatt for oljeeventyret i Noreg.<\/p>\n

\u2013 Han har betydd uendeleg mykje. Han har vore p\u00e5 omtrent dei plattformene som det g\u00e5r an \u00e5 bes\u00f8kje. Han hadde ein kunnskap og ein forst\u00e5ing om tinga p\u00e5 havdjupet som dei f\u00e6rraste av oss har innsikt i.<\/p>\n

\n