{"id":30862,"date":"2026-10-29T13:11:44","date_gmt":"2026-10-29T13:11:44","guid":{"rendered":"https:\/\/radiostavanger.no\/?p=30862"},"modified":"2026-10-29T13:11:44","modified_gmt":"2026-10-29T13:11:44","slug":"viking-keeper-arild-ostbo-brukar-tre-koffeintyggisar-kvar-kamp-dette-meiner-eksperten-nrk-rogaland-lokale-nyheter-tv-og-radio","status":"publish","type":"post","link":"https:\/\/radiostavanger.no\/?p=30862","title":{"rendered":"Viking-keeper Arild \u00d8stb\u00f8 brukar tre koffeintyggisar kvar kamp \u2013 dette meiner eksperten \u2013 NRK Rogaland \u2013 Lokale nyheter, TV og radio"},"content":{"rendered":"
\n<\/p>\n
\n
\u00abAlle gode ting er tre\u00bb, heiter det i ordspr\u00e5ket.<\/p>\n
Det gjeld i alle fall for Viking-keeper Arild \u00d8stb\u00f8 n\u00e5r han spelar fotballkamp.<\/p>\n
Dette er nemleg \u00abtyggis-menyen\u00bb p\u00e5 kampdag:<\/p>\n
\n
Ein tyggis til oppvarming.<\/em><\/strong><\/li>\n
Ein tyggis til f\u00f8rste omgang.<\/em><\/strong><\/li>\n
Ein tyggis til andre omgang.<\/em><\/strong><\/li>\n<\/ul>\n
Alts\u00e5 tre tyggegummiar i kjeften per kamp for Viking-keeperen som kjempar om seriegull \u2013 og m\u00f8ter gullrival Bod\u00f8\/Glimt i Bod\u00f8 fredag kveld til det som blir omtala som \u00e5rets kamp i Eliteserien.<\/p>\n
Dei som har sett Viking i serie eller Meisterliga i det siste har nok ogs\u00e5 kanskje lagt merke til det: Ein m\u00e5lvakt som tygg seg gjennom heile kampen.<\/p>\n
\u2013 Ja, det blir ein til oppvarming og ein i kvar omgang. Det blir tre i kvar einaste kamp, humrar \u00d8stb\u00f8 n\u00e5r NRK sp\u00f8r han om den h\u00f8ge tygge-frekvensen under kamp.<\/strong><\/p>\n
\u2013 Kvifor m\u00e5 du ha tyggis n\u00e5r du st\u00e5r i m\u00e5l?<\/em><\/p>\n
\u2013 Det er litt koffein i tyggisen. Det hjelper p\u00e5 litt forskjellige ting.<\/p>\n
\u2013 Det er rett og slett for \u00e5 f\u00e5 energi?<\/em><\/p>\n
\u2013 Ja, blant anna, forklarer \u00d8stb\u00f8.<\/p>\n
<\/p>\n\n
<\/div>\n
Viking-keeper Arild \u00d8stb\u00f8 i Meisterliga-kampen mot Aston Villa. Som alltid med tyggis i munnen.<\/p>\n
Foto: Beate Oma Dahle \/ Beate Oma Dahle \/ NTB<\/small> \n<\/figcaption><\/figure>\n
\n<\/div>\n
Tatt av i England<\/h2>\n
Koffeintyggis blir brukt av fleire og trenden har tatt heilt av i Premier League-milj\u00f8et.<\/p>\n
Ein studie viser nemleg at 97 prosent av profesjonelle fotballklubbar i England administrerer koffein til spelarane, if\u00f8lge The Athletic.<\/strong><\/p>\n
Landslagsprofil Kristoffer Ajer er blant fotballspelarane som tidlegare har st\u00e5tt fram som ein \u00abtyggis-spelar\u00bb under kamp.<\/p>\n
For handballkeeper Katrine Lunde har koffeintyggis vore eit fast ritual f\u00f8r kamp i mange \u00e5r.<\/p>\n
NRK sin fotballekspert, Carl-Erik Torp, seier ting som kan f\u00e5 deg til \u00e5 prestera betre er noko alle spelarar leitar etter heile tida.<\/p>\n
Han har s\u00e5 langt ikkje registrert ein \u00abtyggis-trend\u00bb blant fotballspelarar i Noreg.<\/p>\n
\u2013 Men om \u00d8stb\u00f8 sj\u00f8lv trur p\u00e5 det, vil det jo uansett ha ein positiv effekt p\u00e5 han, tenker eg.<\/p>\n
<\/p>\n\n
<\/div>\n
Fotballekspert i NRK, Carl-Erik Torp, synest koffein-tyggis er litt rart blant fotballspelarar.<\/p>\n
Foto: Anders Boine Verstad<\/small> \n<\/figcaption><\/figure>\n
\n<\/div>\n
Torp har sj\u00f8lv ei spelarkarriere bak seg p\u00e5 det \u00f8vste niv\u00e5et i Noreg, og har vore borti ein del som likar \u00e5 spela med tyggis.<\/p>\n
Det synest han sj\u00f8lv er litt rart, spesielt blant utespelarar.<\/p>\n
\u2013 Det blir nok litt annleis for ein keeper som ikkje l\u00f8per like mykje og er involvert p\u00e5 ein annan m\u00e5te. Samtidig er jo dei ogs\u00e5 i ein posisjon kor det i periodar kan vera sv\u00e6rt lite \u00e5 gjera. D\u00e5 er det avgjerande at ein er hundre prosent klar for det som skjer heilt plutseleg.<\/p>\n
<\/p>\n
Ekspert: \u2013 Sv\u00e6rt liten effekt<\/h2>\n
Hans Kristian Stadheim har skrive doktorgrad ved Norges idrettsh\u00f8gskule om effekten av koffein p\u00e5 idrettsut\u00f8varar. Han har ogs\u00e5 publisert fleire vitskapelege artiklar om temaet.<\/p>\n
\u2013 Forsking viser at koffeintyggis kan gi ei lita prestasjonsforbetring. Du kan samanlikna det med placeboeffekt<\/span>, seier mannen med doktorgrad i fysiologi.<\/strong><\/p>\n
Stadheim viser til studiar med nesten 400 deltakarar som s\u00e5g p\u00e5 koffeintyggis opp mot placebo. Resultatet blei ein effektstorleik p\u00e5 rundt 0,2.<\/p>\n
\u2013 Det er det me kallar ein sv\u00e6rt liten effekt. Effekten er h\u00f8gare ved \u00e5 ta inn koffein gjennom piller eller drikke, konkluderer Stadheim.<\/p>\n
\u2013 Det er fort sm\u00e5 marginar som avgjer gullkampen mellom Viking og Glimt. Kan koffeintyggisen til Viking-keeperen bli avgjerande?<\/em><\/p>\n
\u2013 P\u00e5 generelt grunnlag s\u00e5 aukar koffein konsentrasjonsevna. Det kan vera at du klarer \u00e5 halda fokus og redda eit skot eller liknande som gjer at du avverjar m\u00e5l. Teoretisk sett, er svaret ja.<\/p>\n
<\/p>\n\n
<\/div>\n
Hans Kristian Stadheim har skrive doktorgrad ved Norges idrettsh\u00f8gskule om effekten av koffein p\u00e5 idrettsut\u00f8varar.<\/p>\n
Ein ting er effekten av koffeintyggis, noko anna er tryggleiken til spelarane.<\/p>\n
Viking-keeper \u00d8stb\u00f8 er ikkje redd for at all tyggisbruken skal gjera at han tygg av seg tunga eller medf\u00f8ra uhell p\u00e5 andre m\u00e5tar n\u00e5r kan kastar seg etter ballen.<\/p>\n
\u2013 N\u00e5 har eg togge s\u00e5 mykje at eg er godt vane med det. Men det har hendt at eg har svelgt nokon, flirer \u00d8stb\u00f8.<\/p>\n
<\/p>\n\n
<\/div>\n
Keeper Nikita Haikin blir viktig for Bod\u00f8\/Glimt i gullspurten.<\/p>\n
Gullkampen i Bod\u00f8 fredag kveld blir ogs\u00e5 ein keeperduell mellom to av Eliteserien sine beste keeperar, Arild \u00d8stb\u00f8 i Viking-m\u00e5let og Nikita Haikin i Glimt-buret.<\/p>\n
Dei to keeper-profilane har eit like bra snitt n\u00e5r det gjeld m\u00e5l slept inn per 90 spelte minutt i Eliteserien med 0,8. Det er det beste snittet i serien, if\u00f8lge statistikksida FotMob.<\/p>\n
Men \u00d8stb\u00f8 har ein litt betre redningsprosent med sine 78,4 prosent (best i Eliteserien), medan Haikin st\u00e5r med 75 prosent s\u00e5 langt i sesongen.<\/p>\n
\u2013 Keeperduellen er interessant i innspurten. Det er jo ein ekstremt utsett posisjon, s\u00e5 det handlar jo ikkje berre om \u00e5 redda den eine viktige sjansen, men unng\u00e5 \u00e5 gjera feil. Gullet kjem til \u00e5 bli avgjort p\u00e5 sm\u00e5 marginar, seier fotballekspert Carl-Erik Torp.<\/strong><\/p>\n
<\/div>
![\"fotballspillere\"](\"https:\/\/gfx.nrk.no\/GRBi3nsv2k9sOcwFwhteQAVVLNm9z79fhO_TvX6twOOQ.jpg "\\"Foto:")
<\/div>![\"Carl-Erik](\"https:\/\/gfx.nrk.no\/-LWQMnxu5_hocboNSk9mlQXFxOiuiQAnV-T7Fi5XEL4Q.jpg "\\"Foto:")
<\/div>![\"En](\"https:\/\/gfx.nrk.no\/C6e-4Hyo6hLC9gM0CsPlngA72AAa7gCAziWyAlRx4jZA.jpg "\\"Foto:")
<\/div>![\"en](\"https:\/\/gfx.nrk.no\/CDkz9obz9T6rTALJhTg42QXO9KC3ae-9_c6qcp5k-Ahg.jpg "\\"Foto:")
<\/div>