{"id":6367,"date":"2026-04-21T21:06:58","date_gmt":"2026-04-21T21:06:58","guid":{"rendered":"https:\/\/radiostavanger.no\/?p=6367"},"modified":"2026-04-21T21:06:58","modified_gmt":"2026-04-21T21:06:58","slug":"bonder-ma-prioriterast-i-ei-drivstoffkrise-meiner-bondelagsleiar-nrk-norge-oversikt-over-nyheter-fra-ulike-deler-av-landet","status":"publish","type":"post","link":"https:\/\/radiostavanger.no\/?p=6367","title":{"rendered":"B\u00f8nder m\u00e5 prioriterast i ei drivstoffkrise, meiner bondelagsleiar \u2013 NRK Norge \u2013 Oversikt over nyheter fra ulike deler av landet"},"content":{"rendered":"


\n<\/p>\n

\n

\u2013 Det er veldig bekymringsfullt at vi i ein situasjon kan kome i mangel og m\u00e5tte rasjonere. Vi er heilt avhengige av tilgang p\u00e5 diesel. B\u00e5de for \u00e5 f\u00e5 k\u00f8yre v\u00e5ronn og for \u00e5 f\u00e5 inn avlingane n\u00e5r den tid kjem.<\/strong><\/p>\n

St\u00e5le Hustoft er bondelagsleiar i Rogaland, og sj\u00f8lv bonde.<\/p>\n

No fryktar han at mangel p\u00e5 drivstoff skal p\u00e5verke matproduksjonen i Noreg i ein mogleg krisesituasjon.<\/p>\n

\u2013 Diesel er ein veldig viktig innsatsfaktor. Og vi har ikkje mogelegheit til \u00e5 omstille oss til andre energikjelder. Det er tunge maskiner som er langt ifr\u00e5 ein ladeleidning.<\/strong><\/p>\n

<\/p>\n
\n
\"Leder<\/div>
\n

Hustoft meiner at b\u00f8nder m\u00e5 bli ein prioritet i ein eventuell rasjoneringssituasjon.<\/p>\n

Grafikk: Marthe Synn\u00f8ve Susort Johannessen \/ Marthe Synn\u00f8ve Johannessen<\/small>
\n<\/figcaption><\/figure>\n

\n<\/div>\n

Han representerer ein av dei mest aktive landbruksregionane i Noreg, med over 4100 aktive gardsbruk.<\/p>\n

No har han ei klar oppfordring til myndigheitene.<\/p>\n

\u2013 B\u00f8nder m\u00e5 bli prioritert i ein rasjoneringssituasjon. Det er kritisk at vi kan oppretthalde norsk matproduksjon. Da m\u00e5 tilgang p\u00e5 drivstoff til b\u00f8nder vere prioritert.<\/strong><\/p>\n

Framleis god tilgang<\/h2>\n

Statssekret\u00e6r i N\u00e6ringsdepartementet, Ragnhild Sjoner Syrstad, seier at vi i dag har god tilgang p\u00e5 drivstoff i Noreg.<\/p>\n

\u2013 Vi har ikkje mangel p\u00e5 drivstoff i Noreg no. Men situasjonen i Midtausten er alvorleg og endrar seg fort, s\u00e5 vi f\u00f8rebur oss p\u00e5 at situasjonen kan endre seg.<\/strong><\/p>\n

Ho fortel at regjeringa jobbar for \u00e5 hindre at vi endar opp i ei drivstoffkrise.<\/p>\n

\u2013 No er det to ting som gjeld. Det f\u00f8rste er \u00e5 auke produksjonskapasiteten i Noreg til maks. Det har Mongstad gjort.<\/p>\n

Equinor sitt raffineri i Nordhordland auka nyleg produksjonen.<\/p>\n

<\/p>\n
\n
\"Ragnhild<\/div>
\n

Ragnhild Sjoner Syrstad, statssekret\u00e6r i N\u00e6ringsdepartementet.<\/p>\n

Foto: NFD \/ David Berg Tvetene \/ NFD<\/small>
\n<\/figcaption><\/figure>\n

\n<\/div>\n

\u2013 I tillegg s\u00e5 vurderer regjeringa tiltaka for \u00e5 redusere forbruket som IEA har foresl\u00e5tt. Ein fellesnemnar for dei er at dei reduserer ettersp\u00f8rselen etter drivstoff. S\u00e5nn at dei som treng det mest, er fremst i k\u00f8en n\u00e5r vi eventuelt m\u00e5 prioritere, seier Syrstad.<\/p>\n

Men kor langt fram b\u00f8ndene st\u00e5r i den eventuelle k\u00f8en, kan ho ikkje seie noko om.<\/strong><\/p>\n

\u2013 Landbruket er viktig for norsk matproduksjon. Men det er diverre for tidleg \u00e5 seie noko om kven som blir prioritert p\u00e5 noverande tidspunkt. Utover at tenester som er kritiske for liv og helse, st\u00e5r h\u00f8gt i prioriteringslista.<\/p>\n

<\/p>\n

M\u00e5 planlegge for eigen beredskap<\/h2>\n

Etter krigen i Midtausten har drivstoffprisane auka grunna mangel p\u00e5 tilgang p\u00e5 olje. Blokadar og uro i Hormuzsundet gjer at store mengder olje og gass ikkje kjem ut.<\/p>\n

Som eit hastetiltak sette Stortinget ned drivstoffprisane.<\/p>\n

Dessutan vurderar regjeringa \u00e5 auke beredskapslagera. No har vi 20 dagar med drivstofflager, medan Sverige og Finland har 90.<\/p>\n

Jonas Gahr St\u00f8re har tidlegare sagt at b\u00f8nder m\u00e5 \u00abplanlegge for eigen beredskap\u00bb, men avviser at folk b\u00f8r hamstre.<\/p>\n

<\/p>\n
\n
\"En<\/div>
\n

Thina Saltvedt meiner at om vi ikkje senkar forbruket no, blir det mindre til alle seinare.<\/p>\n

Foto: Johan E. Bull \/ NRK<\/small>
\n<\/figcaption><\/figure>\n

\n<\/div>\n

Thina Saltvedt er sjefanalytikar i Nordea, og ekspert p\u00e5 oljemarknaden. Ho meiner at om vi ikkje senkar forbruket no, blir det mindre til alle seinare.<\/p>\n

\u2013 Andre land har begynt \u00e5 sette ned forbruket sitt, mens vi held igjen. Det kan gjere at det blir meir utfordrande for alle p\u00e5 lang sikt.<\/p>\n

\u00c5 sette ned drivstoffprisane gjer at vi opprettheld eit h\u00f8gt forbruk, meiner ho.<\/p>\n

\u2013 Vi m\u00e5 hugse at dette er ein fysisk vare som det har blitt mindre av. Om vi endrar p\u00e5 prisane slik at forbruket v\u00e5rt blir endra, s\u00e5 hjelper ikkje det p\u00e5 situasjonen andre stader i verda.<\/p>\n

\n