{"id":6451,"date":"2026-04-29T04:15:22","date_gmt":"2026-04-29T04:15:22","guid":{"rendered":"https:\/\/radiostavanger.no\/?p=6451"},"modified":"2026-04-29T04:15:22","modified_gmt":"2026-04-29T04:15:22","slug":"helikopter-tryggleiken-blei-endra-etter-ulykka-nrk-vestland","status":"publish","type":"post","link":"https:\/\/radiostavanger.no\/?p=6451","title":{"rendered":"Helikopter-tryggleiken blei endra etter ulykka \u2013 NRK Vestland"},"content":{"rendered":"


\n<\/p>\n

\n

\u2013 Det har aldri gitt heilt meining at ein propell og ein helikopterkropp skil lag.<\/p>\n

Lasse Vasstveit ser p\u00e5 eit innramma bilde av pappaen Otto Mikal Vasstveit. Han var ein lang mann, s\u00e5 kjeledressen er litt for kort.<\/p>\n

<\/p>\n
\n
\"Eit<\/div>
\n

Otto Mikal Vasstveit p\u00e5 jobb p\u00e5 plattforma.<\/p>\n

Foto: Tom Edvindsen \/ NRK<\/small>
\n<\/figcaption><\/figure>\n

\n<\/div>\n

\u2013 Dressane var aldri lange nok, seier dottera Agate Vasstveit.<\/p>\n

Det er ti \u00e5r sidan ulykka som tok livet av tretten menneske rett vest for Bergen. Otto Mikael var ein av dei, p\u00e5 veg heim fr\u00e5 plattforma Gullfaks B.<\/p>\n

Den turen skulle ogs\u00e5 f\u00e5 betydning for helikoptertrafikken i heile verda.<\/p>\n

<\/p>\n
\n
\n<\/p>\n

\n

Du trenger javascript for \u00e5 spille av lydklippet \u00abHelikopterstyrten\u00bb.<\/p>\n<\/div>\n

<\/noscript>
\n<\/figure>\n<\/div>\n

Feil i girboksen<\/h2>\n

Havarikommisjonen var raskt p\u00e5 plass same dagen, men arbeidet med den endelege rapporten var ikkje ferdig f\u00f8r over to \u00e5r seinare.<\/p>\n

<\/p>\n
\n
\"Helikopterdelane<\/div>
\n

Delane ligg p\u00e5 golvet i ein stor hall p\u00e5 Haakonsvern i Bergen. Dette er berre nokre dagar etter at Havarikommisjonen har starta sitt lange arbeid.<\/p>\n

Foto: Mathiesen, Tor Erik H. \/ NTB,NTB<\/small>
\n<\/figcaption><\/figure>\n

\n<\/div>\n

K\u00e5re Halvorsen var den \u00f8vste ansvarlege for rapporten, og han hadde eitt m\u00e5l: Finne ut korleis det nesten uforst\u00e5elege kunne skje.<\/p>\n

Korleis kunne rotoren losne fr\u00e5 helikopterkroppen?<\/p>\n

\u2013 Den gongen girboksen blei laga, var krava slik at dei ikkje tok omsyn til moglege feil inni girboksen, seier Halvorsen.<\/p>\n

Det er no endra. Ingen helikopter har denne konstruksjonen lenger. Tur\u00f8y-ulykka s\u00f8rga for tryggare helikopterproduksjon verda over.<\/p>\n

<\/p>\n
\n
\"Gir-del\"<\/div>
\n

Slik s\u00e5g tannhjulet p\u00e5 ulykkeshelikopteret ut. Sprekken i midten f\u00f8rte til styrten.<\/p>\n

Foto: Havarikommisjonen<\/small>
\n<\/figcaption><\/figure>\n

\n<\/div>\n

\u2013 I dag er det ikkje lov \u00e5 lage helikopter utan ein \u00abfail safe\u00bb-funksjon, seier Halvorsen.<\/p>\n

Det betyr at eit tilsvarande problem i girboksen ikkje skal f\u00f8re til at rotoren losnar.<\/p>\n

\u2013 Det har gjort ei stor forandring, vil eg seie.<\/p>\n

Han skildrar luftfarta som ein konservativ bransje, men at endringa p\u00e5 dette punktet har g\u00e5tt \u00abimponerande fort\u00bb.<\/p>\n

<\/p>\n
\n
\"K\u00e5re<\/div>
\n

K\u00e5re Halvorsen jobbar framleis i Havarikommisjonen. Han og kollegaene snevra raskt inn arbeidet mot rotoren og drivsystemet.<\/p>\n

Foto: Ksenia Novikova<\/small>
\n<\/figcaption><\/figure>\n

\n<\/div>\n

\u00abKunden sitt val\u00bb<\/h2>\n

Ulykkeshelikopteret var av typen Airbus H225 Super Puma. Det fekk forbod mot \u00e5 fly i Noreg etter ulykka, men forbodet blei tatt vekk i juli 2017.<\/p>\n

Luftfartstilsynet sa dette til NRK den gongen:<\/p>\n

\u2013 Vi har heile tida st\u00e5tt fast p\u00e5 at vi skal oppheve flyforbodet n\u00e5r vi er sikre p\u00e5 at helikopteret er trygt \u00e5 fly med. Resten av verda oppheva flyforbodet i fjor. No har vi f\u00e5tt gjennomslag for v\u00e5re sikkerheitskrav hos det europeiske luftfartstilsynet, og no er det trygt \u00e5 fly igjen, sa luftfarsdirekt\u00f8r Lars Kobberstad.<\/p>\n

<\/p>\n
\n
\"Ulykkeshelikopteret<\/div>
\n

Bildet er tatt nokre veker f\u00f8r helikopteret styrta.<\/p>\n

Foto: Erik Westrum<\/small>
\n<\/figcaption><\/figure>\n

\n<\/div>\n

Men ti \u00e5r etter Tur\u00f8y-ulykka flyr framleis ikkje Airbus sine helikopter i offshoren\u00e6ringa i Noreg.<\/p>\n

Airbus svarer slik om at helikoptera deira framleis ikkje flyr til norske plattformer:<\/p>\n

\u00abValet av helikopter som opererer offshore kor som helst i verda, er kunden sitt val, noko vi naturlegvis respekterer. Sj\u00f8lv om det ikkje er slik i Noreg, er det 20 H175-helikopter som flyg offshore i Nordsj\u00f8en, og det er 90 Airbus-helikopter som flyr andre oppdrag i Noreg.\u00bb<\/p>\n

Eit umogleg syn<\/h2>\n

Agate og Lasse Vasstveit fekk reise til Gullfaks B etter ulykka.<\/p>\n

\u2013 Vi har tatt helikopter ut, og vi har tatt helikopter heim, og det gjekk fint. Det var for \u00e5 fullf\u00f8re turen, men det var ogs\u00e5 for andre ungar, for at dei ikkje skal vere redde.<\/p>\n

Dei reiser ogs\u00e5 til Tur\u00f8y utanfor Bergen i samband med ti\u00e5rsmarkeringa.<\/p>\n

P\u00e5 ein stein st\u00e5r namnet til pappa Otto Mikal Vasstveit, og opp\u00e5 steinen st\u00e5r eit lite hus med tretten lys i, eitt for kvar av dei som omkom.<\/p>\n

Lasse Vasstveit tenker ofte p\u00e5 ulykkesdagen, og rotoren.<\/p>\n

\u2013 Bildet av rotoren som ligg eit par hundre meter bortanfor. Det er eit bildet som har brent seg fast, for alltid. At propellen berre ligg der.<\/p>\n

\u2013 Det skal jo ikkje skje.<\/strong><\/p>\n

<\/p>\n
\n
\"Lasse<\/div>
\nFoto: Tom Edvindsen \/ NRK<\/small>
\n<\/figcaption><\/figure>\n

\n<\/div>\n

<\/p>\n