{"id":9013,"date":"2026-06-30T12:42:06","date_gmt":"2026-06-30T12:42:06","guid":{"rendered":"https:\/\/radiostavanger.no\/?p=9013"},"modified":"2026-06-30T12:42:06","modified_gmt":"2026-06-30T12:42:06","slug":"jakob-ingebrigtsen-er-usikker-til-friidretts-em-i-birmingham-nrk-sport-sportsnyheter-resultater-og-sendeplan","status":"publish","type":"post","link":"https:\/\/radiostavanger.no\/?p=9013","title":{"rendered":"Jakob Ingebrigtsen er usikker til friidretts-EM i Birmingham \u2013 NRK Sport \u2013 Sportsnyheter, resultater og sendeplan"},"content":{"rendered":"


\n<\/p>\n

\n

\u2013 Det kan eg ikkje kommentere p\u00e5 noverande tidspunkt.<\/p>\n

Det svarer Ingebrigtsen-br\u00f8rne sin r\u00e5dgivar, Espen Skoland, p\u00e5 sp\u00f8rsm\u00e5l fr\u00e5 NRK om Jakob Ingebrigtsen kjem til \u00e5 stille til start under EM i Birmingham.<\/p>\n

\u2013 Ei avgjerd vil eventuelt bli tatt tett opp mot meisterskapen, fortset han.<\/p>\n

\u2013 Jakob \u00f8nsker ikkje \u00e5 sette noko forventning som ikkje kan f\u00f8lgast.<\/strong><\/p>\n

Og forventningane til Ingebrigtsen var h\u00f8ge for fleire f\u00f8r VM i Tokyo i 2025. Det var lenge usikkert om han i det heile skulle delta ogs\u00e5 der, da han ikkje hadde sprunge eit einaste l\u00f8p den sesongen p\u00e5 grunn av ein vond akilles.<\/p>\n

Det resulterte i at han rauk ut i fors\u00f8ket p\u00e5 1500-meteren og kom p\u00e5 ein 10. plass p\u00e5 5000-meteren.<\/p>\n

\u2013 Dei fleste har sagt at det ikkje er lurt, men eg er ikkje ein person som trekker meg. Eg er her for \u00e5 konkurrere. Eg er her for meg sj\u00f8lv og for ingen andre, sa Ingebrigtsen den gongen.<\/strong><\/p>\n

I 2024 blei Ingebrigtsen historisk da han tok sitt sjette EM-gull. Ingen mannleg friidrettsut\u00f8var har tidlegare klart det. I \u00e5r er det alts\u00e5 usikkert om han skal delta i meisterskapen i august.<\/p>\n

<\/p>\n
\n
\"Jakob<\/div>
\n

VISTE MUSKLAR: Jakob Ingebrigtsen blei historisk i EM i Roma, da han tok sitt sjette EM-gull. Her fr\u00e5 sigeren p\u00e5 1500-meteren.<\/p>\n

Foto: Lise \u00c5serud \/ NTB<\/small>
\n<\/figcaption><\/figure>\n

\n<\/div>\n

M\u00e5 kjenne seg klar<\/h2>\n

Den vonde akillesen blei i starten av 2026 operert. Sidan den gongen har det g\u00e5tt i opptrening, og akkurat no er Ingebrigtsen p\u00e5 treningsleir i h\u00f8gda i St. Moritz.<\/p>\n

Agenten til 25-\u00e5ringen, svenske Daniel Wessfeldt snakka sj\u00f8lv med Ingebrigtsen for to veker sidan.<\/p>\n

\u2013 Det er berre han sj\u00f8lv som kan bestemme n\u00e5r han kjenner seg klar, og da f\u00e5r vi sj\u00e5 n\u00e5r det blir, seier Wessfeldt til NRK.<\/strong><\/p>\n

<\/p>\n
\n
\"Jakob<\/div>
\n

AGENT: Jakob Ingebrigtsen saman med agent Daniel Wessfeldt inne p\u00e5 Letzigrund stadion i Z\u00fcrich i 2021.<\/p>\n

Foto: Anders Skjerdingstad<\/small>
\n<\/figcaption><\/figure>\n

\n<\/div>\n

\u2013 Kan det vere at han ikkje kjem til \u00e5 springe noko som helst denne sesongen?<\/em><\/p>\n

\u2013 Det h\u00e5par eg ikkje. Eg h\u00e5par han kjem til \u00e5 gjere nokre bra greier i \u00e5r, men kjenner eg Jakob rett, s\u00e5 vil han vere heilt f\u00f8rebudd \u2013 ikkje berre stille opp, fortset han.<\/p>\n

\u2013 Da er det framleis mogleg at han stiller til EM?<\/em><\/p>\n

\u2013 Kanskje. Eller kanskje blir det litt etter det. Som sagt, det er berre han sj\u00f8lv som kan seie fr\u00e5 n\u00e5r han er klar.<\/strong><\/p>\n

\u2013 S\u00e5 litt usikkert med EM?<\/em><\/p>\n

\u2013 Det er usikkert med alle ting, men g\u00e5r alt som det skal, s\u00e5 kan<\/em> det bli EM. Eller s\u00e5 blir det litt seinare n\u00e5r dei andre store stemna kjem i august og september, fortel manageren.<\/p>\n

\u2013 M\u00e5 ikkje sj\u00e5 Jakob i \u00e5r<\/h2>\n

NRK sin friidrettsekspert Vebj\u00f8rn Rodal seier Ingebrigtsen har eit skyh\u00f8gt potensial n\u00e5r han berre f\u00e5r gjort jobben p\u00e5 trening, og at det ikkje hastar med \u00e5 f\u00e5 han med i konkurransen raskast mogleg.<\/p>\n

\u2013 Eg tenker at det viktigaste ikkje er \u00e5 f\u00e5 Jakob i konkurranse p\u00e5 halv maskin. Det viktigaste for Jakob er \u00e5 f\u00e5 trene skadefri og smertefri dag etter dag og veke etter veke. Om konkurransen l\u00e8t vente p\u00e5 seg til neste sesong, s\u00e5 f\u00e5r det st\u00e5 si pr\u00f8ve, seier han.<\/p>\n

<\/p>\n
\n
\"Vebj\u00f8rn<\/div>
\n

IKKJE STRESSE: Vebj\u00f8rn Rodal vil heller vente med \u00e5 sj\u00e5 Jakob Ingebrigtsen for full maskin neste sesong, framfor \u00e5 sj\u00e5 han for halv maskin denne sesongen.<\/p>\n

Foto: Anders Skjerdingstad<\/small>
\n<\/figcaption><\/figure>\n

\n<\/div>\n

Rodal har VM-deltakinga til 25-\u00e5ringen i Tokyo friskt i minnet.<\/p>\n

\u2013 Det \u00e5 utsette seg sj\u00f8lv for ytterlegare skaderisiko med \u00e5 skunde seg tilbake i l\u00f8p, det treng ikkje berre vere positivt. Det viste han litt i fjor, da han tok VM litt p\u00e5 sparket utan \u00e5 ha f\u00e5tt f\u00f8rebudd seg spesielt godt. Da blir han sl\u00e5tt, f\u00e5r negative konkurranseopplevingar og forsterkar skadeproblematikk som ligg der, fortset han.<\/p>\n

Om Ingebrigtsen droppar \u00e5 l\u00f8pe under europameisterskapen i Birmingham i august, er langt fr\u00e5 det viktigaste for OL-gullvinnaren fr\u00e5 Atlanta i 1996.<\/strong><\/p>\n

\u2013 For min del m\u00e5 eg ikkje sj\u00e5 Jakob i l\u00f8p i \u00e5r. Det er viktigare for meg at han pr\u00f8ver \u00e5 gjere det som skal til for at han kjem tilbake til der han var. Om det f\u00f8rst skjer neste \u00e5r, s\u00e5 lever eg fint med det, avsluttar Rodal.<\/p>\n