Over 7000 utan straum i Sunde-området i Stavanger – NRK Rogaland – Lokale nyheter, TV og radio

– Straumen gjekk i 06.30-draget då eg sko til jobb. Eg kom til ein heilt mørklagt stasjon, det er ikkje mykje me kan hjelpa kundane med i dag, seier assisterande dagleg leiar på St1 Madla, Sajid Amin.

Inne på stasjonen er det eit nødlys som er på.

– Me må bare venta på hva som skjer. Det går ikkje an å fylle drivstoff hjå oss i dag.

L-nett skriv at over 7000 abonnentar i blant anna Kvernevik og Sunde i Stavanger er utan straum nå i morgontimane.

Kommunikasjonssjef i Lnett, Ingvild Ween, seier at dei har montørar på veg ut for å fikse feilen nå.

De veit ikkje årsaka, og kor lang tid det kjem til å ta. Men ifølge Ween fryktar dei at det kan ta tid å fikse feilen.

Husstandar og bedrifter råka

NRKs journalist på staden melder om mørke forhold, blant anna ved kjøpesenteret Thon Senter Madla.

Butikksjef ved daglegvarebutikken Extra Madla, Nicolay Abrahamsen Hantho, skriv at de jobbar med å halde varene i fryse. og kjølediskane for å unngå svinn.

– Vi har også vasspumper i kjellaren som må haldast i gang, opplyser han på melding til NRK.

NRK har kontakta Sunde sjukeheim, som opplyser at dei har straum.