Sør-Noreg står overfor eit vêrsystem som er uvanleg kraftig for årstida.
Eit stormsenter som i Storbritannia har fått namnet «Dave», feiar over Skottland laurdag og vil treffe Sørvest- og Sørlandet med full tyngde søndag føremiddag.
Både Statsforvaltaren i Rogaland og i Agder varslar beredskapsmøte laurdag.
– Det er sjeldan vi ser så kraftig vind så seint på våren i Sør-Noreg. Vi tek dette svært alvorleg, seier statsmeteorolog Geir Ottar Fagerlid.
-
REMKO DE WAAL / AFP / NTB
Gult farevarsel = moderat fare
Brukes om en moderat farlig situasjon, som kan forårsake lokale skader.
Sendes ut når det ventes mindre konsekvenser.
- Det kan bli skader lokalt
- Strømbrudd kan forekomme
- Det er sannsynlig med forsinkelser i trafikken
- Vind kan gjøre det farlig å være i fjellet
-
PILAR OLIVARES / Reuters / NTB
Oransje farevarsel = stor fare
Et varsel som sendes ut sjelden. Været kan føre til alvorlige skader.
Oransje farevarsel sendes ut når konsekvensene vil bli omfattende for mange mennesker.
- Været kan føre til alvorlige skader
- Reell fare for at liv og verdier kan gå tapt
- Veier kan bli stengt
- Avganger med båt, fly og annen transport blir kansellert
-
MICHAEL TRAN / AFP / NTB
Rødt farevarsel = ekstrem fare og ekstremvær
Dette farenivået forekommer svært sjelden, og kan føre til store skader.
Røde farevarsler ser du bare når det er forventet at været kan gi ekstreme konsekvenser.
- Fare for at liv går tapt
- Store ødeleggelser på eiendom og infrastruktur
Myndigheter og sivile i berørte områder oppfordres til å utføre tiltak som bidrar til å sikre liv og begrense skadeomfanget.
Vindkast på opp mot 45m/s
Fredag ettermiddag gjekk meteorologane ut med raudt farevarsel for Rogaland og Agder. Dei sterkaste vindkasta er venta å kome opp i 40–45 m/s. Kyststrekninga frå Karmøy til Torungen vil vere mest utsett. Raudt farevarsel er det høgaste varslingsnivået vi har.
Vidare er det oransje og gult farevarsel for store delar av Sør-Noreg. Dei kraftigaste vindkasta er venta opp mot 50 m/s for delar av Rogaland, Agder og Sunnhordland.
Den kraftigaste vinden minkar frå søndag kveld, først i vest.
– Det er snakk om sterk storm på kysten og svært kraftige vindkast over land, forklarer Fagerlid.
Meteorologane har følgt stormen tett, og seier at vindretninga vil vere vest-nordvest på det sterkaste. Det følgjer også nedbør med.
Statsmeteorolog Geir Ottar Fagerlid seier at stormen treff på eit krevjande tidspunkt. – Folk er i feriemodus på hyttene sine. No blir det kanskje ei brå avslutting for mange, seier han.
Foto: Eskil Byrkjeland / NRK
– Det betyr at det er ganske låg snøgrense mange stadar. Det kjem ein god del snø, særskilt i sør i fjellet i Sør-Noreg, seier han.
Åtvarar mot heimreise søndag
Det er også venta høge bølgjer, med signifikant bølgjehøgd frå sørvest på åtte til ti meter på utsette stader på kysten.
Statsmeteorologen seier stormsenteret er uvanleg kraftig for årstida.
– Nord-Noreg har hatt fleire tilfelle med ganske kraftig vind i april. I Sør-Noreg skal du leite litt i historiebøkene for å finne såpass kraftig vind i april, seier Fagerlid.
Meteorologen ber folk vurdere nøye før dei set seg i bilen første påskedag:
– Det er ikkje gunstig å reise midt på dagen. Då er det venta å vere på sitt sterkaste, frå føremiddagen til ettermiddagen søndag. Det er lurt å tenke på om ein skal reise før eller etter stormen.
Fagerlid peikar på fleire kritiske faktorar for dei som skal ferdast ute:
- Stengde fjellovergangar: Særleg Langfjella vil få ein kombinasjon av snø og kraftig vind.
- Innstilling av samferdsle: Ferjer kan bli liggjande til kai, og bruer kan bli stengde.
- Farlege gjenstandar: Kraftig vind kan føre til trevelt og lause gjenstandar i vegbana.
Statsforvaltarar i beredskap
Det som gjer situasjonen ekstra spesielle er at uvêret treffer midt på ein av dei største utfartsdagane i året.
Statsforvaltarane i Rogaland og Agder varslar beredskapsmøte laurdag.
– Det er ikkje ofte vi får raude farevarslar, så det må vi ta på største alvor, seier Knut Berg, assisterande statsforvaltar i Agder.
Statsforvaltaren har i oppgåve å syte for at kommunane og deira etatar får informasjonen dei treng for å handtere uvêret.
– No skal vi sjekke kva det står i varselet, og sende ut informasjon til kommunar, naudetatar og kraftforsyninga, slik at alle er budde på vêret som kjem, seier Fylkesberedskapssjef Reidar Johnsen i Rogaland.
– Kor ulagleg er det at dette skjer midt i påska?
– Det er ikkje optimalt, men etatane har ei vaktordning og vi har eit system for å få ut informasjon sjølv om folk har fri.
Berg ber folk følgje med på trafikkmeldingane frå Statens vegvesen, kommunen sin kommunikasjon og meldingar frå Meteorologisk institutt.
– Påsketrafikken vil kunne bli råka av farevarselet. Folk må ta omsyn, følgje med og rekne god tid, seier den assisterande statsforvaltaren.
– Korleis er bemanningssituasjonen hos dykk no?
– I likskap med resten av Noreg er folk i hovudsak på påskeferie, men vi har ressursar vi stablar på beina for å handtere dette.
Forsikringsselskap med klar oppfordring
Tobias Kvalvik er kommunikasjonssjef i Gjensidige, som forsikrer mange nordmenn.
Han oppfordrer folk til å sikre løse gjenstander som trampoliner, utemøbler og søppelkasser.
– Når uværet først treffer, er det for sent å begynne å forberede seg. Meldingene fra meteorologene er dramatiske, så dette må man ta på alvor, sier Kvalvik i en pressemelding.
Tobias Kvalvik er kommunikasjonssjef i Gjensidige.
Foto: Gjensidige / Gjensidige
Å være i forkant, kan utgjøre en stor forskjell, sier han.
– Det beste rådet er å være litt i forkant. Tenk gjennom hva som kan fly, velte, lekke eller fylles med vann der du bor. De enkle grepene du gjør nå, kan være forskjellen på en nesten-skade og en dyr skade, sier Kvalvik.
Publisert
Oppdatert
