12 brannsupporterar blei viste bort av politiet i Stavanger sentrum i natt.
Dei kasta blant anna fyrverkeri i sentrum, ifølge politiet.
– Det blei også tatt beslag i fyrverkeri. Dei 12 blei viste bort frå sentrum i 24 timar. Politiet var synleg til stades i Stavanger sentrum og klarte å førebygga uønskte hendingar, seier operasjonsleiar Rune Tallaksen i politiet.
Politiet har tidlegare gått ut med at dei er bekymra for at det skal skje det dei kallar uønskte hendingar i samband med fotballkampen mellom Viking og brann i kveld.
Dei har derfor auka bemanninga og har varsla at dei skulle vera synleg til stades i Stavanger sentrum i går kveld, men også i kveld.
Politiet har fortløpande dialog med Viking sine supportergrupper, og det er også etablert dialog med supportarar frå Brann.
