Ei aksjonsgruppe vil ha Forsand ut av Sandnes og inn i Strand kommune.
I går prøvde dei på nytt, for tredje gong på seks år. Men kommunestyret i Sandnes sa nei til utmelding med 41 mot 8 stemmer.
Ordførar i Sandnes, Kenny Rettore, prøvde å komme gruppa i møte. Han lova å snakke med Strand kommune, om legevaktsamarbeidet mellom Strand og Forsand kan blitt tatt opp igjen.
Han er likevel ikkje begeistra for dei stadige omkampane:
– Nå må dei som tapte kjenne si besøkingstid, og sjå framover, seier Sandnes-ordførar Kenny Rettore.
Lokaldemokratiet lir no, seier Årstein Løland. Han er med i aksjonsgruppa som sidan 2017 har forsøkt å komme seg ut av Sandnes.
– Ni av ti saker handlar om Sandnes by. I dag var dei ei sak som handla om Forsand, men det er langt mellom dei gongene.
Løland seier han ikkje ser grunn til å legge saka død med det første.
– Vi kan ikkje legge ned engasjementet før dette er ordna opp i, seier han til NRK.
